بصراحة لست مهتما بما يدور بعالم كرة القدم
ولست رياضيا لدرجة التعصب
ولكن ما حصل لمنتخبنا يجعل حتى رجال الهيئة يشكون في رجولة اللاعبين
لا أدري هل هي أول مرة يشارك منتخبنا في بطولات عالمية
لا أدري هل تغير شكل الكرة على أقدامهم ؟
يا اخوان ,, انا ماني مقهور على خسارة المنتخب
اكثر المنتخبات العالمية تعرضت للخسارة وخرجت من البطولات
اللي قاهرني ,, ان اللاعبين ماهم قادرين حتى يقدمو مهارات فردية
اللي يناول الكورة خطأ ,, واللي يشوتها وعينه مغمضة
واللي ما يعرف يثبت كورة واللي ما يعرف يضرب براسه
صراحة الهزيمة ماتفشل ,, اللي يفشل المستوى الفاشل اللي ظهروا فيه لاعبينا
الغريب ان اتحاد الكرة أول حل يشوفه يشيلوا المدرب ,,, ويجيبوا مدرب
المشكلة في الروح يا سموا الأمير سلطان وليست في المدربين
انا اجزم انك استطعت أن تصل إلى قلوب اللاعبين والجماهير السعودية
ولكنك عجزت عن ان تخلق الروح داخل اللاعبين
أنا ما ألومك ,, لأن الروح بيد الله,, واللي ماعنده أصلا روح يشرف وطنه
ما يستاهل يدخل أرض الملعب وما يستاهل يلبس اللون الأخضر
اتمنى ان سمو الأمير نواف يبدأ اولا بعمل دراسة على شخصية كل لاعب
ويتأكد بنفسه ,, هل هذا اللاعب لديه روح قتالية وهجومية وروح للدفاع عن شعار الأخضر
أم انه يستلم الآلاف شهريا ليشتري اجمل السيارات وأغلى الماركات
ويدخل أرض الملعب وقد تثاقل بسبب امتلاء معدته وخزانته في المنزل
من اليوم أقول لكم ,, تبغون كأس العالم
ازرعوا الروح داخل كل لاعب ,, وبلاش هدايا ودلع وحوافز ومعسكرات خارجية
الي هدفه من اليوم انه يشرف وطنه ,,, متأكد انه راح يوصل للمرمى بكل سهوله
وراح قبلها يوصل لقلوب الجماهير السعودية
الأربعاء يناير 19, 2011 11:59 pm
