ثار حزني وسط جفوني

مدخل ,,

للضيق وقت ..وللحزن دايم اسباب
وللصدق دافع ..والوفـا صار معدوووم

ماعاش عمره بهالزمن غير كذّاب
والصادق الوافي ..محقّر ..ومظلوووم

القصيدهـ

ثار حزني وسط جوفي والالم ماله حلول
يوم انا اطلب قريب قد حسبني من هله

هذي الدنيا متاعٍ كلنا فوق الرحول
لااخوك اللي يشيلك ولا صديقٍ يزهله

لو عرفنا واكتشفنا مادفن وسط العقول
كان ضاعت هالاماني وانخدعنا بأخيله

ضاق صدري يالحبيبه وهم دمعي بالنزول
ماوقف صوبي بحزني كود همٍ احمله

اه ياصعب المفارق صاير بعقلي ذهول
كيف راح وليه راح ؟اه ما اقسى الاسئله

من بعد موته حياتي صايره بوضع النزول
كني بعمري خلاوي وسط صحرى مقحله

وش اقول ودام صدري مشتعل مدري شقول؟!
منفهق صدري بحزني والمفارق كمله

شاعر واملك قناعه واكتب بكل الفصول
ماوطيت الراس يومن لو تضيع المساله

صح ابن ادم مخيّر ..بس في طبعه عجول
لا مشى بعمره عزيزِ ..هالمواقف تنخله

مخررررررج..

امور صارت بالزمن تعجب اعجااب
يالله عساك تزين الحـال هاليووووم

ول يازمــان بدّل المسـك بـ ترااب
ول يازمــان بدّل شيووخ بـ رخوم

القوة أن تقول ((لا)) في الوقت الذي يصرّ قلبك على أن يعذبك ويقول ..
(( نعــــــــــم ))

يعطيك 1000 عافيه ومشكووووور يا اخي العزيز جميل جداً
هذي المره تقبل مرووووري

» { يا ليت (حزني) مجرد دمع.. وابكيه!! ...}