المجتمع السعودي لازم يتغير

عضو ذهبي نقاط : 6769 سمعة العضو : 50

السلام عليكم ورحمة الله وبركاته

سلام واقوي تحيه لشعب السعوديه

انا عارفه انو الموضوع غريب شويه

بس من جد الشعب السعودي لازم يتغير

مو هو يتغير الا نظرتو الغبيه >> مع احترامي

هي اللي لازم تتغير عارفين ايش هي النظره

هي النظره الهمجيه التافه اللي مافيها عدل بين الجنسين

يقولو الولد يكلم بنت عاااادي ولد في النهاية ولد مايعيبو شي

البنت تكلم ولد لااااا والف لا هدي بنت مايصير هدا شرف

ايش التخلف هدا ايش النظرات هدي للبنت والولد ليش ماتعدلو

الولد اذا غلط عااااااااادي طيش شباب

البنت اذا غلطت ممكن يكون مصيرها الموت ممكن اهلها يتبرو منها ويقولو بنت اغرااب

صح انو شرف ولازم نحافظ عليه

بس ليش ماتربو الاولاد على الصح والغلط

ليش بس احنا اللي كل شي غلط وعيب وحراام

الولد يروح يقول لأخوااته انا احب فلانه وما ابغا الا هي اتزوجها عاادي مايسيرخاطرك الا طيب نخطبها لك

والبنت اذا حبت

لا والف لا هدي غلطه كبيره انتي سافله وانتي واطيه

وانتي وانتي .......... الخ

واحد من الأقرباء يحب بنت عمه مثلا اتصل عليها واعترف بحبه لها البنت كبر بيعنها وصار فارس احلامها

ولو العكس بتصغربيعنه ويعتبرها سافله وتكلم مليون واحد غيرة

هو عاادي ياحرام يعبر عن شعوره

هي لا لو كان عندها مجرد ذرة حياء ماقلت كدا

طيب ياهووو ماهي انسانه ومن حقها تعبر عن شعورها زي ما انت عبرت ولا حلال عليك حرام على غيرك

واحد كان قبل الزواج اكبر طاايش يرقم ويغاازل وماساب وحده الا وكلمها

اتزوج وحده في النهاية اكتشف انها كانت تكلم شباب طلقها وسارت مشكله كبيره

طيب ياهو اللي فات مات احنا عيال اليوم نسيت نفسك لمن كنت وكنت وكنت ممكن كانت هي تكلم بس

بس انت تكلم وترقم وتطلع وماسبت وحده الا ودنست شرفها لا وفي النهاية تبغى وحده طااهره

قال تعالى ( الخبيثات للخبيثين والخبثون للخبيثات والطيبات للطيبين والطيبون للطيبات )

واحد يكلم وحده وهي على نياتها مفكرته يحبها في النهاية قالت متى تتزوجني

قال معد الا هي اتزوج وحده حقيره زيك وواطيه وسالفه وحشره

سلاااااااااااااامااااااااااااااااات

نسيت نفسك اذا هي واطيه وحقيره انت ايش تكون الا اوطى واحقير واسفل واكبر حقير كمان

الله قال انت تكلم عادي وهي لا

انا ماانظر لنظرة المجتمع التافهه لأنها ماراح تفيدني انا انظر لنظرة الشرع العادله

الشرع عـــــــــــدل

لكــــــــــــ؟؟؟؟؟ــــــــــــــن

المجتمع ماعدل

قالها الشيخ سليم الجدعاني الله يطول بعمره

لازم نتغير ليش البنت لمن نكتشف انها تكلم تنضرب وتنهان وتنحرم من كل شي

والولد لا ياحبيبي لعد تسوي كدا اخر مره طيييب

وين العدل اللي امر الله فيه

الله ماقال الزانيه 200 جلده والزاني 100 جلده

الله قال ( الزانية والزاني فاجادوا كل واحد منهما مائة جلدة )

ليش مانعدل ليش مانربي الاولاد انو غلط تكلم واذا اكتشفنا هدا الشي ليش ماينضرب ليش ماينحرم من كل شي

لازم نظره جاده

اليوم اكلم صحبتي بالمسن

اقلها عادي انه اللي تتمنيه زوجك كلم وحده

قالت عادي يكلم الف وحده بس انا لا اذا دري ماراح يتزوجني

قلت لها ليش الشرع عدل

قالت احنا مانرضاها على نفسنا

قلت طيب ليش هو كمان مايرضاها على نفسه

قالت مدري احنا اتربينا على كــــــــــــــــــــذا

وحطو مليون خط تحت كلمة كـــــــــــــــــذا

وربي اتنرفزت بقوووه

الى هذي الدرجه السطحيه وصلت فينا اننا نربي بناتنا انهم مايكلمو اولاد والاولاد عادي

شوفو المواضيع في النت كلهم موجهين نظرهم للبنت لاتكلمي ولد كذا تخوني اهلك وربك

طيب هو اذا كلم يسوي شي حلال يعني مو قاعد يخون ربه واهله

قبل فتره سمعت بمحاضرة انو نظرة المجتمع مره ماترحم

اكتشفو سيارة فيها حادث وكان الله يحفظنا كان فيها ولد وبنت بمنظر مخزي

المهم ابو الولد وافق انه يجي يستلم جثة ولده ويصلو عليها ويدفنوها

وابو البنت ولا حتى عرفوه وطبعا بيكون وجهه اسود اذا اكتشف الاهل ان البنت كاااانت .........

والله حراام يعني دحين على هذي النظره والمجتمع اللي مايرحم احنا مو محااسبين

لا والله انه محاسبين على كل صغيره وكبيره

انا مو بكتابتي هذي اقول عادي خلينا نخلي البنت تكلم زيها زي الولد

لاااااااا

انا اقول ليش ماتربو عيالكم

الاولاد اقصد على انه مو عاادي انه يكلم بنت ويتعاقب اشد العقاب اذا اكتشفنا انه يكلم حتى لو عدى العشرين

ترى والله المسأله مو سهله اننا مانعدل وربنا حرم الظلم وهذا يتسمى ظلم وعدم عدل واحنا محااسبيين على عدم العدل

اعرف واحد ماعنده الا اولاد وساكن مع اخواته

وياويل وحده من اخواته تدخل شات او العاب اون لاين فيها محاادثه

وتعال شوف عياله الأولاد ياسلاام قسم بالله اكبر صايعين يدخلو شات عاادي اولاد يدخلو العاب فيها محاثه بيبقو اولاد

طيب يا اخ ليش ماتربيهم انه هذا عيب هذا حرام ربنا قال ماتكلمو بنات هذا شي مختلط ليييييش بس اخواته مستقوي عليهم مع انه اخواته اكبر من عياله يا اخي علم عيالك قبل ما يكبرو ويتماادو

شي تاني كمان

ماتاحظو انو موضوع العذرية للبنت صاار اهم شي

بدونه حياة او موت

بتقولو هذي مجنونه شي طبيعي انه اهم شي

قبل فتره دخلت على اليوتوب كنت اشوف السجينه اللي جت في 99

كيف انها ضيعت عذريتها ووو الخ

قريت الردود ولفت انتباهي رد

واحد يقول العذريه مو اهم شي

قلت في نفسي هذا مجنون وين حنا مو اهم شي الا اهم شي ونص

كملت ردو وكانت التكمله

بصراحه الدين ماخلها اهم شي

هنا انا وقفت وفكرت بكلام هذا الولد

مجنون >> لا والله

غبي >> لا والله

مايعرف ايش يقول >> لا والله

متفتح بزيااده >> لاابد

اللي قاله عين الصواب هو مانظر من منظور عادتنا وتقاليدنا الظالمة

هو نظر من منظور الاسلاااام الاسلام وحده ياجماعة

لو تسأل اب تقله ايش افضل بنتك تموت ولا تفقد عذريتها

بيقول بكل تأكيد لا والله تموت افضل

سلامااااااااات يفضل يفقد بنته فلذة كبده ولا يفضل تفقد عذريتها

طيب ممكن فقدتها بغلطه زي الشباب غلطه ونعديها بس احنا لا الموت

ليش ربنا قال لازم تتزوج عذراء

هذا عندكم الرسول اكبر مثال

ماتزوج بكر الا وحده

الا متى التفكير الظالم بيسيطر علينا ليش سرنا كذا ليش

كل شي محاسبين عليه

اتخيلو نفسكم يوم القيامه وكل بنت تجي عند ربنا

يارب ماعدلو بيننا زي ماعدلت

يارب خلو غلطتنا موت

وغلطتهم طيش

يارب مافهموهم ان للي يكلم بنت حرام

بس احنا

ياارب اقتص لنا منهم

يارب اعطيهم ضعفين من العذاب

الظلم ظلمات يوم القيامه

ترضى بكره بنتك تجي وتحاججك عند ربك

يارب ماعدلوا بيني وبين اخوي

هو يكلم عادي بس انا لا

يارب تمنو موتي لمن غلطت

واخوي عادي

ياارب اقتص لي منهم يارب اقتص لي من اهلي فإنهم لم يعدلوا

لا تخلو تفكيركم سطحي

لا تخلو هذا التفكيريسيطر عليكم

انا بنت وماراح اسامح هذا الظلم والتفريق

والله بكره لأوقف عن ربي واقول اللهم اقتص لي من كل من كان تفكيرة كدا ياارب واذا كل البنات مسامحين انا ما اساامح وان شاء الله الباقي برضو مايسامحو

والله صارتفكيرهم اخس حتى من الجاهلية يجي الاب يجبر بنته على الزواج او حتى ما يأخذررأيها

نسينا اننا بدين الاسلام وربنا امر انهم ياخذو برأي البنت

ولا تنسو

العدل

ثم العدل

ثم العدل

الى كل اب وام ربو عيالكم البنين والبنات بالعدل

لا تقولو للولد عادي يكلم في النهاية هو ولد

لا الله حط نفس العقاب وانتو لازم تعاقبو الاثنين نفس العقاب فهموهم هذا حرام

واذا سو شي زي كذا ربنا ماحلل هذا الشي تجو انتو تحللوه

اظربوهم

احبسوهم خذو منهم السيارة احرموهم من الموبايل سو كل اللي بتسووه مع بنتكم اذا اكتشفتوا انها تكلم

والى كل شاب وبنت

اتقو الله ولا تكلمو ربنا ماحلل هذا الشي ولا تغلطوا غلطه تندمو عليها

وخصوصا ياشباب لا تدنسو شرف البنات اتخيل لو انها اختك او بنتك والله يمهل ولا يهمل

واذا اكتشفت زوجتك بالمستقبل انها مو بكر سامحها اكيد غلطة وتابت

اتخيل انها بنتك وغلطت وزوجها ستر عليها

استر عليها ومن ستر على مسلم ستر الله عليه بالدنيا والأخرة

واخيرا

لنعلي اصواتنا معا

العدل

ثم العدل

ثم العدل

انا وانتي وانت وهي وهو كلنا جزء من مجتمعنا لازم نغير نظرتنا عشان الكل يتغير

غيرو نظرتكم تكفون انظرو من نظرة شرعيه مو من نظرة دنيويه

ماقلت هذا كله الا اني خايفه من الظلم وخايفه عليكم من عذاب الله

قال الرسول صلى الله عليه وسلم ( الدين النصيحة )

هلا أحلى عوده نور المنتدى برجعتك وطلتك الحلوه

أدخل في الموضوع

حسيت من قرايتي للموضوع أنهم يبغون يصير كل شي فري بالنسبه للبنت تطلع تتعرف تتغازل تحب اللي تحبه عاادي

يمكن معاك حق ليش مايلومون الولد مثل البنت ليش أخطاء الولد عادي وأخطاء البنت جريمه

يمكن بسبب خوفهم على البنت البنت هي شرف الأسره لو حصل لاقدر الله شي لها عاار بالنسبه لهم وفضيحه

الولد يغلط يسوي اللي يبغاه لو دق باب يبغى يتزوج ماراح يقولون لا هذا مايصلح او فيه وفيه لا

عكس البنت لو تقدموا لخطبتها شوفي الواحد كم يجلس علشان يلاقي اللي تناسب تكون ام لعياله وقدوه لهم وتصون بيته وتحفضه

وصدقيني مستحيل شاب يحب بنت يفكر يرتبط فيها الشاب يوم يفكر في الزواج يدور على وحده ماكلمته ماتعرف شي يعني مغمضهمو متفتحه علشان تكون زوجه وشريكة حياته

ثاني شي

اعرف واحد ماعنده الا اولاد وساكن مع اخواته

وياويل وحده من اخواته تدخل شات او العاب اون لاين فيها محاادثه

وتعال شوف عياله الأولاد ياسلاام قسم بالله اكبر صايعين يدخلو شات عاادي اولاد يدخلو العاب فيها محاثه بيبقو اولاد

طيب يا اخ ليش ماتربيهم انه هذا عيب هذا حرام ربنا قال ماتكلمو بنات هذا شي مختلط ليييييش بس اخواته مستقوي عليهم مع انه اخواته اكبر من عياله يا اخي علم عيالك قبل ما يكبرو ويتماادو

هالنقطه تضايقت منها شوي صايعين مره وحده مو حلو نحكم على الشخص على طول

يعني اللي يدخل شات صااايع في ملتزمين ومحافضين يدخلون شات وكانوا سبب في تغيير كثير بالشات للأحسن

بالنسبه للرجل عاايش على عادات زمان عنده كل شي عيب للبنت يمكن لدرجة ماترفع صوتها عليه وكلمته تمشي حتى لو غلط ويمكن مو بس مع أخواته حتى زوجته يعني خلص فطره تربى عليها مايقدر يغيرها

في الأخير حبيبتي ابي اقولك شي لو المجتمع ظلم البنت تذكري ربك هو اللي بيطلع حق البنت

أذا دعتك قدرتك على ظلم الناس فتذكر قدرة الله عليك

عضو ذهبي نقاط : 6769 سمعة العضو : 50

اهلين ام عبدالله منور بوجودك ياعسل مشكوره على اهتمامك بالموضوع وردك
احنا البنات الي نبي نوصله انو نربي الأولاد على الصح والغلط وكمان نربي البنت
على الصح والغلط مو بس البنت الي لا وحرام وعيب المفروض حتى الأولاد حتى
لو كان الولد كبير عدى العشرين وهو يكلم و ..... الخ
المفروض يتربى ويعرف انو هذا غلط وهذا حرام وهو جالس يخون ربه واهله
احنا مانبي كل شي عادي ايزي نكلم ونطلع و ..... الخ
احنا نبي نعدل بين الأولاد والبنات في كل شي وشكرا
اسفه ماذكرت المصدر منقووووول من ايميلي
اتمنى محد يفهم الموضوع غلط انا حطيته من باب العدل الي امر الله به
ولاتنسوا قول الرسول صلى الله عليه وسلم (( الدين نصيحه ))

وعليكم السلام أختي الغالية

وأقوى تحية ,, ليست للشعب السعودي ,, ولكنها لك ,, ولموضوعك القوي والجريئ
بعد اذنك نقلت الموضوع لأقلام جريئة ,, لأنه موضوع قوي جدا ويحتاج عدة وقفات
وبعد اذنك سأقوم بالرد وبقوة وبصراحة على العديد من الفقرات ولكن لضيق وقتي
سيكون الرد على عدة مراحل وفي كل مرة سأتطرق الى بعض ماذكرتيه في مقالتك التي
بصراحة حبست أنفاسي ورأيت انها نعبر عن ما بداخل كل فتاة غالية في هذا الوطن الغالي .

في البداية وبخصوص نظرة المجتمع على قولك الهمجية للبنت ,, خليني أسألك وأسأل كل بنت
ليش تشغلي نفسك بنظرة المجتمع وما تخلي تركيزك على نظرة ربنا عليك ؟؟؟

طيب المجتمع فيه أكثر من 20 مليون سعودي فيهم العاقل والمجنون وفيهم المثقف والغبي وفيهم الشيخ التقي وفيهم الفاجر الشقي ,, وكل واحد ينظر للبنت بنظرته ويبغى يشكل البنت زي ماهو يبغا ,, بس ربنا له نظرة واحدة ,,وشرع ربنا ينظر للمرأة نظرة واحدة سواء كانت بنوتة أو عجوز ,, يكفي قوله عليه الصلاة والسلام (( رفقا بالقوارير )) يعني كل نساء الأرض وبدون جدل (( قوارير )) قابلة للكسر وتحتاج رعاية خاصة وأسلوب خاص في التعامل ,,, تختلف تماما ,, عن معاملة الرجل .,, اللي وصفه ربنا بقوله (( الرجال قوامون على النساء )) .

هذا ردي لأول فقرة في موضوعك عن نظرة المجتمع للمرأة أو البنت ,,, باختصار لازم البنت تحس انها بنت وما تحاول تقارن نفسها مع الولد ,, لأنها ناعمة ورقيقة,, والولد احسن علشان أخشن .

بالنسبة لمقولة ان البنت تكلم ,, لا وألف لا ,,والولد يكلم عادي
هاذا اعتبره احساس داخلي عند كل بنت تكلم واحد وخايفة من اهلها وعارفة انها تسوي حاجة غلط من وراهم .

والدليل انك تكلمي زميلاتك قدام ابوك اخوانك الكبار وانتي تضحكي ومستانسة ,, ليش ,, لأنك واثقة من نفسك وكمان أهلك مربينك تربية حسنة وعارفين انك ما راح تكلمي واحد من وراهم
لكن اللي تكلم شباب وكل يوم مع واحد ,, كل كلامها عند اهلها ,, انتو ليش تراقبوني ماتراقبو اخوية ,, وليش اخوية يخرج مع اصحابه وانا منطقة في البيت ,, وليش وليش

وبالنسة لكلامك ان الولد اذا غلط عادي والبنت اذا غلطت يكون مصيرها الموت ,,, هذا تخريف وهروج ما سمعناها الا بعد ما اعطو مجال للعلمانيين والشيعة يكتبوا مقالات في الجرائد عن حرية المرأة ,,,
والدليل ان الناس الأصول واهلك وأهلي الحمدلله منهم ,,, اذا غلط الواحد منا سواء ولد او بنت مايلاقي الا كفوف وسب ولعن ,, الحمدلله تربينا على يد اهلنا تربية صالحة ويشهد ربي ان ابوية كان يضربني انا وعزيز اذا غلطنا ضرب اليهود والنصارى , وما عمري شفته يضرب البنات زينا ,, بس كان يمسك الوحدة على جنب ويعطيها درس خصوصي وتلاقيها تبكي من كلامه .
السبب كمان ان البنات قوارير ما يتحملوا ضرب ,, يكفيهم كلام وتوبيخ علشان يتربو ,, اما الولد ملعون والدين ويتحمل ضرب جزم .

يعني لاحد يصدق ان البنت في المجتمع المحافظ اكثر قيمة من الولد ,, الكل لازم يتربوا تربية صالحة ,, وخاصة الولد الكبير ,, اذا تربى صح تلاقي اللي بعده نسخة مكررة منه وربنا الهادي .

ما اطول عليكم ,, باقي التعليق على بقية الموضوع القوي في أقرب فرصة

وتحياتي لك اختي على الطرح الأكثر من رائع

عضو ذهبي نقاط : 6769 سمعة العضو : 50

مشكووورين على ردودكم الحلوه وعلى اهتمامكم انا قلت الي عندي
والي يحس ف الموضوع شي غلط
او شي صح ياريت يرد
والي عندوا كلآلآلآم عن هالموضوع ياريت تردوا لاتحرموني من ردودكم
سلآمي

لا زلت اقول ان الموضوع قوي جدا

ولابد من فهم الأمور فهما صحيحا خاصة ما يتعلق بموضوع البنات والأولاد

الحياة تغيرت أختي ,, وليس بنات اليوم مثل بنات امس وليس الأولاد الذين كنا نلعب نعهم هم اولاد اليوم ,, وليس المجتمع هو مجتمع اليوم .

خليني ادخل في الموضوع وأبدأ اعلق على موضوع الحب

.......................................
الولد يروح يقول لأخوااته انا احب فلانه وما ابغا الا هي اتزوجها عاادي مايسيرخاطرك الا طيب نخطبها لك

والبنت اذا حبت

لا والف لا هدي غلطه كبيره انتي سافله وانتي واطيه

وانتي وانتي .......... الخ

...............................

تبغي الصدق ,, ولأول مرة يمكن اعلنها
ان زوجتي أول مادخلت في قلبها على طول راحت لأمها وهي خايفة ومترددة
علشان تحسسها ان انسان دخل قلبها من اول نظرة ,, وعلشام ماتحط نفسها في
موقف محرج ومن حياها قامت كتبت اللي في قلبها في ورقة واعطتها لأمها .

ماراح أذكر التفاصيل ,, بس احب اقول ان اسلوب زوجتي في مصارحة أمها
وأسلوب تربية أمها لها وانها دايما تعاملها معاملة الأخت هو اللي خلا زوجتي
تطلع اللي في قلبها لمها ,, وهو اللي خلا أم زوجتي تتصرف تصرف أي أم عاقلة
وتحاول تتقرب من أسرتي أكثر وتفاتح أختي في رغبتها اني اكون زوج لبنتها
والحمدلله حبيت سحر من أول نظرة زي ما دخلت أنا في قلبها من أول نظرة
ولولا مصارحة سحر لأمها بالحب اللي هو عريزة أودعها ربنا في كل البشر
ماكان ربي جمعني بها وماكان كل يوم يزيد حبي لها وتعلقي بها .

ولو وحدة غيرها كان خبت على امها وحاولت تتقرب مني بدون ماحد يدري

باختصار مو عيب البنت تحب ,, وما حد راح يذبحها لو احبت

العيب في اسلوب تربية كثير من الأمهات لبناتهم لدرجة انها تخوفها حتى
الضحكة والابتسامة قدام الضيوف ,, وتعقدها في حياتها وتخليها ماتصارحها
في ابسط أمورها .

والعيب كمان ان البنت تكون بعيدة عن امها وما تحاول تطلع اللي في قلبها
وما تحكيلها عن تجاربها مع زميلاتها وعن مواقفها المضحكة والمحرجة
في الصف , وما تعلمها اذا احد اتصل وغلط عليها او احد رمالها بورقة في الشارع

اعتقد انه لوكل بنت صاحبت امها واخوانها وابوها في البيت وفتحت قلبها لهم
بتلاقي الكل مهتم فيها ويتمنى اليوم اللي يدخل قلبها شريك حياتها .

اما اذا كان القصد ( والمعذرة اذا فهمت غلط ) الحب الثاني لمجرد التسلية
ما الوم الأهل لو قسو على بناتهم ,, لأننا في زمن ,, الحب لمجرد الحب
وراه حاجات وحاجات ومتاهات كثيرة ,, وفتن الله يستر على البنات منها

تحياتي لكم ومنتظر تعليقاتكم علشان ما انفرد بالرد لوحدي

» 5 حقائق لازم تعرفها
» منتخب السعودي....
» صورمعانات الريال السعودي