اسمع اشووواااقي وســط تنهيـــدااااتي ...

مساء الجوري
اخــبــآر الاسـره اليووم ؟
شفت داا الشعر بمنتدى وبصرااحه
خقييت عليه وقلت انزله ليكم فيذاا..

جمّـع اللـي ودك تقولـه وبعثرنـي عتـب
الملامه شي عـادي دامهـا منـك وجـاي..

انت تامر وأنا ألبي مـا تبـي بليّـا سبـب
بس كان لجيّتي خاطـر تلبـي لـي رجـاي..

رجوتي لا تلحق عيونـك مشاريـه الهـدب
لا تضايقـه بدموعـك والتفاتتـك وخطـاي..

كل شي الا دموعك واعرف انك من شطـب
صفحة الطيش بحياتي وابتدى صفحة شقـاي..

سق فديتك كل ما تملك من جنون وغضـب
وابشر بصدرٍ يضمك حيييل دام انـك هـواي..

ولا رويت عتاب ناظرني وقل طاح الحطـب
واسأل شرايك وابنسج لك من الأعماق راي..

بتناثر لك رضا واحساس صادق مـا كـذب
وانت رتّبني على كيفك وشكلنـي برضـاي..

وان تلعثم حضورك ثم نطّقنـي لـك تعـب
حاول انك تسمع أشواقي وسط تنهيـدااتي..

اسمع دموعه وقرّب لـي وقـرّب واقتـرب
واسأل عيوني عن طيوفك وقصتهـا معـاي..

كيف كانت في غيابك فجأه تطري واغتـرب
اركض لمنفى خيالي وارمـي الواقـع وراي..

اوجدك ما بيني وبيني واسولف لك واشـب
ليلة حضورك قصايد تشتكي لك من عنـاي..

آآآه لا منه بزغ فجـر الحقيقـه وانسحـب
طيفك اللي ساكن عيوني وضاقت بي سماي..

وقتها ليتك تحس شعور من حظـه ضـرب
آخر آماله بعـرض الهـم والوحـده مـداي..

اكتشف وشلون يموت الصوت برماح الطرب
لحظةٍ جيـت أتغنـى بـك وعاندنـي غنـاي..

واكتشف كيف السهل فجأه يتحول لي صعب
لا نويت ابكيك ثـم أزريـت القى بـي بكـاي..

أقسم بربي وربك فينـي احسـاسٍ غصـب
كل كلي في غيابـك ينجـذب لـك ياهنـاي..

ما نسيتك لو نسى التاريـخ أمجـاد العـرب
وما تركتك الا بين ضلوع صدري وبحشـاي..

لأنك أكبر من غلا الشاعر لآخر مـا كتـب
ولأنك أقرب لي من سكوتي اذا عانق شفاي..

ولأنك أول من تمكن بـي وعلمنـي أحـب
ولأنك الشخص الوحيد اللي يجي في مستواي..

صاحبي جمع كلامـك ثـم بعثرنـي عتـب
والله ان كل شي عادي لا غدى منك وجـاي..

راقت لي
ودي لأرواحكم اسمع اشووواااقي وســط تنهيـــدااااتي ... T132