ذكاء مديرة عزباء...

بسم الله الرحمن الرحيم
السلام عليكم ورحمة الله وبركاته
عندي لكم قصة .. مديرة مدرسة (عزباء) عملت مقلب ـ ذكي ـ مع حرق أعصاب للمدرِّسات

القصة تقول :
إن المديرة غابت عن المدرسة كم يوم، ولما عادت توجهنّ إليها المدرِّسات للسؤال عنها وعن سبب غيابها ..
شكرتهنّ .. وقالت لهنّ : باركوا لي ، لقد تزوجت ؛؛؛
قلنّ لها : مبروك وألف مبروك .. متى صار الزواج ومن هو سعيد الحظ اللي تزوجتيه ؟؟؟
قالت لهن : بصراحة زوجي هو .......
هو .. زوج وحدة منكنّ !!
أخذت كل واحدة منهنّ تنظر للأخرى باستغراب ويحدوها سؤال استفهام ؟؟!!
وتوجهن لها بالسؤال بنرة واحدة : أي وحدة منا ..؟!!
ردت عليهنّ المديرة .. ما راح أخبركنّ من يكون (تبي تلعب بأعصابهنّ)
والمدرسات ذابحهنّ الفضول ، وكل وحدة خايفة ليطلع زوجها هو اللي متزوج المديرة
والمديرة مصرة على أن لا تخبرهنّ ..
وبعد كثرة الاصرار من المدرِّسات .. قالت لهنّ المديرة :
اللي تبي تعرف إذا كان اللي متزوجتة هو زوجها وإلا لأ ..
تأتي بكرة الصبح ومعها ـ خمسئة ريال (500ريال) ـ وتحط هذا المبلغ على الطاولة وهي توقع حضور للدوام .. وتنتظر وتشوف النتيجة
اللي راح آخذ الخمسئة ريال حقتها ، ما أكون متزوجها زوجها ،، واللي راح أخلي (500 ريال) وما آخذها من على الطاولة يكون أنا متزوجة زوجها .. لأن عيب عليّ أكون متزوجة زوجها وآخذ منها فلوس بعد ؛؛
وافقنّ المدرِّسات على الخطة اللي مسويتها المديرة
المهم .. حضرنّ المدرِّسات يوم ثاني للمدرسة .. وكل وحدة تحط على الطاولة (500 ريال) والمديرة تأخذ المبلغ .. وهنّ جالسات ينتظرنّ على أحر من الجمر لمعرفة من هي اللي متزوج عليها زوجها من المديرة !
حضرنّ جميع المدرّسات ما عدا واحدة غابت .. اتصلت عليها احدى المدرّسات تسألها عن سبب غيابها : فردت عليها أنها تعبانة وما تقدر تداوم اليوم .. وحتى إنها سألتها : من هي التي زوجها متزوج المديرة ؟؟
ردت عليها وقالت لها : والله للحين ما عرفنا شيء .. لأن المديرة رفضت تأخذ المبلغ إلا بعد أن يحضر الجميع ، والحين ما بقى إلا أنتِ (قالت لها كذلك لكي تحضر للمدرسة لربما تكون هي اللي زوجها متزوج المديرة)
لكنها اعتذرت وقالت إنها لا تستطيع المجئ لأنها تعبانة .. قالت لها : تكفين تعالي وبعدين بإمكانكِ أن تستأذنين وتروحين للبيت ..
المهم .. حضرت المدرِّسة اللي كانت غاببة وهي تمشي بتثاقل وباين عليها التعب ،، وحطت المبلغ على الطاولة ، والجميع ينتظر ماذا سيحصل ؛؛
هل ستأخذ المديرة الفلوس أم لأ ؟؟
قامت المديرة وأخذت الـ (500 ريال)
المدرّسات صرنّ في حيرة من أمرهنّ ، من تصرف المديرة فهي أخذت المبلغ من الجميع .. وصار مجموع المبلغ (12000 ريال) ولحد الآن لم يتضح لهنّ ،، أي وحدة منهنّ اللي زوجها متزوج المديرة ؟؟!
بعدين المديرة قالت للمدرّسات : يلا كل وحدة تروح تشوف شغلها .. قالت لهنّ كذلك وهي متوجهة لمكتبها
المدرّسات وهنّ على أعصابهنّ مستغربات ومندهشات !!
تبعنّ المديرة ودخلنّ عليها المكتب وهنّ يقلنّ لها : الحين أنتِ أخذت من كل وحدة منا (500 ريال) ولم تخبرينا من يكون زوجكِ ،، وحتى وحدة منهنّ قالت : إذا تبين فلوس زيادة راح نعطيج بس تكفين تقولين لينا هو زوج أي وحدة فينا ؟!
ردت عليهنّ المديرة بابتسامة هادئة وأعصاب باردة : والله إني ما تزوجت ؛؛ لا زوج وحدة منكنّ، ولا أي أحد ثاني ، وسبب غيابي عن المدرسة لأني كنت مريضة وتعبانة ، وهذي الفلوس ماراح ترجع ، لأنها بتكون لعمل صيانة لمصلى المدرسة
فمن شهر أو أكثر طلبتُ منكنّ المساهمة بـ (100 ريال) لعمل صيانة للمصلى ، لكن ما في أحد شارك بأي مبلغ .. والحين هذا المبلغ راح نعمل به صيانة ونشتري مصاحف وسجاد للمصلى
المدرّسات رغم إنهنّ انحرقت أعصابهنّ من (الخطة اللي سوتها المديرة العزباء) إلا أنهنّ أصابهنّ ارياح واطمئنان إن أزواجهنّ لم يتزوجوا عليهنّ
وافق الجميع على حسن تصرف المديرة وذكائها

منقول..,,

عضو ذهبي نقاط : 6772 سمعة العضو : 50

هههههههههه روعه يسلموووووووووو

فراااااشــه الحــب يســـلمووو ع الـــمــروووور

ولا تــحــرمـــينااا من طـــلــتــكـ الــحـليووووهـ

» شوووفووا ذكاء البناااات